اكبر تجمع لشباب وبنات العراق
 
الرئيسيةس .و .جبحـثالتسجيلدخول

شاطر | 
 

 دكيت باب الوطن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوته



المساهمات : 6
تاريخ التسجيل : 28/05/2008

مُساهمةموضوع: دكيت باب الوطن   الأربعاء مايو 28, 2008 4:46 pm

دكيت باب الوطن وبوابه مسدوده

ومنفتح باب انزلن دمعاته بخدوده

صب الدمع واشتكى من دون ما يحجي

صعبه علي من شفت عين الوطن تبجي

آه يا وطننا الحلو راحت حلاتك

راحت وصارت قطع سوده على الحياطين

اه ياوطنه الحلو يازين ياغالي

مو انته الاول جنت ليش اصبحت تالي

الناس جانت كبل تتوسل تشوفك

هسه صفت بلعكس تتوسل تعوفك

اه ياوطنه الحلو يلزين يلغالي

مو انته الاول جنت ليش اصبحت تالي

ابجي على بلدي ابجي على بغداد

علمتحف ابجي انه التاريخ والامجاد

ابجي على الصحفي وابجي على الفنان

وعلماي ابجي انه والشجر والاغصان

ابجي انه علقتل مابين هلخوان

وابجي انه علغدر وعلاسه الجيران

ابجي على مذهبي وابجي على ديني

علقبله صار الذبح بيد لمخاويني

نذبح بعضنا ذبح والاجنبي المحتل

نتوسله بلبلد يبقى ولايرحل

السبب خوف الشعب من حرب اهليه

ومن معركه قادمه سنيه شيعيه

المن يكون النصر والمن يكون التاج

ويامذهب الينتصر وتحج اله الحجاج

من ياترى المنتصر لوفاض بينه السيل

ولكم ترى المنتصر امريكا واسرائيل

هذا العراق الحلو بيه الزمان اندار

ولو نار هسه انطفت تشتعل باجر نار

الليل ذاك الحلو ليجنن ابغداد

اصبح يضيك الخلك وايامه ماتنراد

والماي ذاك العذب ماعاد نفس الماي

روجاته يبجن دمع واحزان بيهه هواي

الصار بينه وجرى مايخطر على البال

ومو كل دمع ينبجي ولا كل حجي الينكال

بسبب وبلا سبب نتكاتل عله المال

ونسينه عدنه وطن واجروح بيه اشكال

هذا العرااااااااااااااااااااااق الحلو ماغيره حبينه

وبغداد بيت الاهل البيه تربينه

شاف العراق الحلو من الهموم اشكال وياما انجرح هلوطن بس مابجت عينه


ونصحونه ياما بشر نرحل لغير بلاد وماعفنه هذا البلد ونحبه ضلينه


خايف يضيع البلد مابين هذا وذاك

وشيعوضه النه الوطن لا مال لا املاك

نحتاج مال الدول اموال تهدينه

بس لوطلبنه وطن ياهواللي ينطينه

بعد ماجابته امه اللي يمسجن يلعراقيات

مامخلوق والله والله والله اللي يمسجن يلعراقيات

حلوات الطبع واخلاقجن حلوه

والرايد يمسجن يلعراقيات

يخسه ومايكدر ويغديلجن فدوه

انتن للعراق حزام يلحلوات

انتن شوك ياخذنه ويرد بينه

احنه بشوكجن ياعيني متولعين

وياجن عمر عشنه وتربينه

بلجبهات مابجانه طاري الموت

بس فراكجن هوه اللي يبجينه

مع كل حبي للبلدي الجريح ويارب نرجع لبلدنا ويلتم شملنة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حب ابدي



المساهمات : 50
تاريخ التسجيل : 28/05/2008
العمر : 26

مُساهمةموضوع: رد: دكيت باب الوطن   الخميس مايو 29, 2008 8:24 pm

انشالله نرجع كلنه ويلتم شملنه من جديد مشكوره بنوته على الابداع الرائع تقبلي مروري
تحياتي
حب ابدي.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دكيت باب الوطن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عراقي انا  :: منتديات عراقي انا العامه :: منتدى المتغربين-
انتقل الى: